Tarrace hidroizolim

Hidroizolimi i tarracës realizohet me membrana hidroizoluese Evalon me trashësi 1.2 mm nga Alwitra, të cilat janë membrana sintetik PVC me cilësi të lartë, e cila mund të aplikohet në mënyrë horizontale dhe vertikale. Evaloni është një membran elastike, e përbërë nga një shtresë e vetme shumë rezistente ndaj agjenteve atmosferik dhe plotëson të gjithë kërkesat sipas DIN 18531 për tarracat e shfrytëzueshme dhe ato të pashfrytëzueshme. Për termoizolimin e tarracave përdoret lesh guri me trashësi 10 cm me densitet 150kg/m3, duke arritur një temperaturë të përshtatshme për ambientet e brendeshme. Realizimi i një sistemi të plotë të mbyllur të hidroizolimit të tarracave arrihet duke përdorur në të gjithë perimetrin e objektit profile metalike, të cilat lidhen me membranat dhe elementet e parapërgatitur prej Evaloni. Për të ruajtur dhe rritur jetëgjatësinë e tarracave i gjithë hidroizolimi mbulohet me një shtresë gjeoteksili dhe mbushet me zhavor, qe luan rolin e peshës, dhe të filtrimit të ujit në pileta si dhe e mbron hidroizolimin nga rrezet e drejtëpërdrejta të diellit.