Nënshtresë

Shtresë me bazë rërë/çimento e cila aplikohet në ambientet mbitokë për mbulimin e instalimeve elektrike dhe hidraulike të vendosura në dysheme. Kjo shtresë respekton pjerrësinë e përcaktuar nga projekti në varësi të ambientit ku aplikohet, përshtatet me çdo shtresë pasardhëse mbi të, si laminat apo pllaka të ndryshme. Raporti i kërkuar çimento/rërë është 1:3 dhe trashësia e nënshtresës është 45mm. Është një shtresë e fortë dhe kompakte, e cila siguron një bazë të përshtatshme për shtresat përfundimtare të dyshemesë. Për të patur një siperfaqe të rrafshët dhe horizontale realizohet trajtim i sipërfaqes me helikopter dhe në çdo m2 kontrollohet kuota me nivelues lazer referuar kuotave të hedhura nga inxhinieri topograf.