Lëvozhgë horizontale

Punimet e kallëperisë horizontale realizohenpër elementët beton-armësi: trarët, soletat dhe shkallët. Kallëperia horizontale është një strukturë e përkohëshme që përdoret në strukturat beton-arme për të realizuar betonimin dhe mbështetjen e elementëve horizontalë derisa të arrihet rezistenca e duhur të betonit. Kallëperia duhet të plotësojë kërkesat e sigurisë dhe cilësisë sipas standartit BS EN 8500, të cilat kontrollohen nga inxhinierët gjatë gjithë kohëzgjatjes së punimeve. Synimi i Kontakt për strukturën beton-arme është realizimi i betoneve të pastra. Për këtë arsye, Kontakt bashkëpunon ngushtë me kompani lider në prodhimin e kallëperive si Doka dhe Peri. Për betonimin e elementëve horizontalë përdoren panele Peri me trashësi 1,5~2,5cm të cilët mbështeten mbi nënstrukturën e përbërë nga skela metalike, doka dhe binarë. Për monitorimin e temperaturës dhe rezistencës së betonit përdoret software Paschal Maturix, nëpërmjet të cilit përcaktohet koha e duhur e dizarmimit. Përgjithësisht, dizarmimi i elementëve beton-arme horizontalë realizohet 28 ditë pas betonimit.