Naya nuk është thjesht projekti më i ri i Kontakt është argumenti më i fortë se arkitektura mund të transformojë jo vetëm një lagje,

por edhe mënyrën se si e imagjinojmë jetesën urbane në Tiranë. I besuar studios holandeze OMA, një prej firmave arkitekturore me ndikimin më të madh në botë, ky projekt e vendos Shqipërinë në hartën e arkitekturës bashkëkohore ndërkombëtare, ndërsa banorët e tij i bën pjesë të këtij vizioni.

E vendosur në zonën e Shkozës, pranë Unazës së Madhe, Naya zhvillohet mbi një truall prej 7,648 m² dhe udhëhiqet nga një ide e thjeshtë, por ambicioze: si mund të jetojë një qytet më mirë brenda vetes.

Ideja organizuese e projektit bazohet në konfigurimin e katër blloqeve të banimit sipas formacionit të fushës së shahut. Kjo zgjedhje nuk është vetëm estetike, por edhe funksionale.

Hapësirat mes blloqeve nuk janë të rastësishme ato janë projektuar me kujdes për të krijuar korridore ajrimi, pamjesh dhe lëvizjeje, duke i dhënë kompleksit ritmin dhe karakterin e një lagjeje të mirëfilltë.

Rreth 380 apartamente me sipërfaqe të organizuara në mënyrë racionale do të ndërtohen mbi parkime tërësisht nëntokësore, duke liruar çdo metër katror mbi tokë për gjelbërim, shëtitore dhe zona rekreative. Është një zgjidhje që shumë projekte urbane e premtojnë, por pak e realizojnë me këtë nivel koherence.

Ngjyra, tashmë një element identifikues i projekteve të Kontakt, është sërish protagoniste. Në Naya ajo nuk shërben vetëm si element dekorativ, por krijon identitet, orienton vizualisht hapësirat dhe i jep kompleksit një karakter të dallueshëm.

Tonet e guximshme të fasadave ndërtojnë një prezencë urbane që dialogon natyrshëm me peizazhin përreth, në vend që të humbasë brenda tij.

Piazza, ose agora urbane e projektit, është ndoshta elementi më i veçantë dhe më njerëzor i gjithë konceptit. E projektuar si boshti që lidh katër blloqet, kjo hapësirë publike zhvillohet në nivele të ndryshme,

ndërthur zona të mbuluara me hapësira të hapura dhe krijon ambiente që ndryshojnë karakter gjatë ditës nga qetësia e mëngjesit deri te dinamika e mbrëmjeve. Naya është projektuar për t’u jetuar, jo vetëm për t’u banuar.

Nga ana financiare, projekti ofron një qasje fleksibël dhe të arritshme. Blerësi mund të paguajë vetëm 20% të vlerës fillimisht, ndërsa 80% e mbetur mund të financohet përmes bankës ose, alternativisht, të shlyhet me këste pa interes deri në dorëzimin e apartamentit.

Rezervimi me vetëm 1,000 euro ju mundëson të siguroni njësinë tuaj përpara se disponueshmëria të kufizohet. Është një mundësi e rrallë për t’u bërë pjesë e një projekti me firmë ndërkombëtare dhe me potencial të lartë vlerësimi në të ardhmen.

Naya nuk ofron thjesht katër mure dhe një çati mbi kokë ajo ofron një mënyrë të re të të jetuarit, ku arkitektura, komuniteti dhe cilësia e jetës bashkohen në një projekt të menduar për të ardhmen.